महिला भलिबल टोलीलाई ऐतिहासिक पहिलो स्वर्णपदक

नेपाली राष्ट्रिय महिला भलिबल टोलीले फाइनल खेलमा प्रतिद्धन्द्धी माल्दिभ्सलाई ३–० को सोझो सेटमा पराजित गर्दै ऐतिहासिक पहिलो स्वर्ण पदक जितेको छ । 

 

ढाका । नेपाली राष्ट्रिय महिला भलिबल टोलीले फाइनल खेलमा प्रतिद्धन्द्धी माल्दिभ्सलाई ३–० को सोझो सेटमा पराजित गर्दै ऐतिहासिक पहिलो स्वर्ण पदक जितेको छ । 

बंगलादेशमा सम्पन्न प्रथम एभीसी सेन्ट्रल जोन सिनियर महिला भलिबल च्याम्पियनसिपमा बिहीबार माल्दिभ्सलाई पराजित गर्दै स्वर्णपदक हात परेको हो। 

नेपाली महिला भलिबल टोलीले हालसम्म कुनै पनि स्वर्णपदक जित्न सकेको थिएन । २०१४ मा काठमाडौंमा आयोजना भएको दक्षिण एसियाली आमन्त्रण महिला भलिबल च्याम्पियनसिपमा जितेको रजतपदक नै नेपाली महिला भलिबलको सबैभन्दा ठुलो पदक हो ।

बुधबार सेमिफाइनलमा नेपालले प्रतिद्धन्द्धी माल्दिभ्सलाई समान ३–० को सोझो सेटमा पराजित गर्दै नेपाली राष्ट्रिय महिला भलिबल टोली ऐतिहासिक उपाधि नजिक पुगेको थियो । 

त्यस्तै नेपालले दक्षिण एसियाली खेलकुद प्रथियोगिता (साग) मा तीन कास्यपदक जितेको छ । साथै नेपाल च्याम्पियनसिपमा एक्लो अपराजित टोली समेत रहन सफल भयो। 

पुरा खेल हेर्नुस्
 

प्राप्त प्रतिकृयाहरू

यसमा तपाइको मत

सम्बन्धित समाचार
धेरै पढिएको
ट्वीटरमा