सोमबार, ११ असार, २०७५ Monday, 25 June, 2018

गर्मी बढेको भन्दै विद्यालय बन्द

बेसले चर्को गर्मी भन्दै विद्यालय बन्द आह्वान गरेको दिन यस क्षेत्रको तापक्रम ३६ डिग्री सेन्टिग्रेड थियो । जिल्लामा यो मौसममा तापक्रम ३८ डिग्रीभन्दा बढीसम्म हुने गरेको छ । 
प्रतिनिधिमुलक फोटो | वेब

चितवन, २९ जेठ । जिल्लाका केही निजी विद्यालयको संस्था भरतपुर इङ्गलिस स्कुल सोसाइटी (बेस) ले गर्मी बढेको भन्दै आजदेखि चार दिनका लागि विद्यालय बन्द गरेको छ । 

दुई दिन अघिनै यस समयमा वर्षात हुने मौसम पूर्वानुमान विभागले जनाएको थियो । विद्यालय बन्द आह्वान गरिएको सोमबारदेखि नै वर्षा भइरहेको छ । जसका कारण तापक्रम पनि सामान्य अवस्थामा झरेको छ । 

निजी तथा आवासीय विद्यालय अर्गनाइजेसन (प्याब्सन) अन्तर्गत रहेको भनिएको सो संस्था कुनै पनि निकायमा दर्ता छैन । तर सोही संस्थाको आह्वानमा आजदेखि चार दिनसम्म भरतपुर महानगरभित्रका ४३ निजी विद्यालयका २० हजारभन्दा बढी विद्यार्थीको पठनपाठन ठप्प भएको छ । 

बेसले चर्को गर्मी भन्दै विद्यालय बन्द आह्वान गरेको दिन यस क्षेत्रको तापक्रम ३६ डिग्री सेन्टिग्रेड थियो । जिल्लामा यो मौसममा तापक्रम ३८ डिग्रीभन्दा बढीसम्म हुने गरेको छ । 

अभिभावक र कतिपय निजी विद्यालयका प्राचार्यले मनोमानी विद्यालय बन्द गरेको भन्दै आक्रोश व्यक्त गरेका छन् । गर्मीको समयमा घरमा भन्दा विद्यालयमा विद्यार्थी सुरक्षित हुने गर्दछन् । बेसका अध्यक्ष लक्ष्मी चालिसेले गर्मी बढेका कारण विद्यालय बन्द गर्न दबाब परेकाले बिदा गरिएको बताए । 

भरतपुर महानगरपालिकाको शिक्षा शाखाका अधिकृत बाबुराम दवाडीले बर्षे विदामा अहिले बिदा गरेको समय पढाउन भनिएको र त्यसो नगरिए कारबाही गरिने बताए । रासस

प्राप्त प्रतिकृयाहरू

यसमा तपाइको मत

सम्बन्धित समाचार
धेरै पढिएको
ट्वीटरमा