मंगलबार, ९ असोज, २०७५ Tuesday, 25 September, 2018

'म नागरिक समाज' भिडियो प्रतियोगिता, पहिलो हुनेलाई ५० हजार 

‘लोकतन्त्रमा नागरिक समाजको भुमिका’ लाई उजागर गर्न ‘म नागरिक समाज’ भिडियो प्रतियोगिता आयोजना हुँदै
फोटो: इन्टरफेस नेपाल | स्क्रिनसट

काठमाडौं, २३ जेठ । नेपालमा नागरिक समाजको उपस्थिति उजागर गर्ने उद्धेश्यका साथ तीन मिनेटको ‘म नागरिक समाज’ भिडियो प्रतियोगिता हुने भएको छ  ।

इन्टरफेस नेपाल’ले ‘लोकतन्त्रमा नागरिक समाजको भुमिका’ लाई उजागर गर्न ‘म नागरिक समाज’ भिडियो प्रतियोगिता आयोजना गरेको हो ।

प्रतियोगितामा पहिलो, दोस्रो र तेस्रो हुनेलाई क्रमश नगद रु ५० हजार, ३० हजार र २० हजार पुरस्कार दिइने छ  ।

“लोकतन्त्रमा नागरिकको भुमिका अपरिहार्य हुन्छ, राज्य, समाज र प्रजातन्त्रलाई चलायमान बनाई राख्न पनि नागरिक समाज सक्रिय र सशक्त रहनुपर्छ” भन्दै आयोजक इन्टरफेस नेपालका संस्थापक एंव संचारकर्मी दिलभुषण पाठकले भने, ‘लोकतन्त्रलाई थप बलियो बनाई राख्न, राजनीतिक भ्रष्ट्राचार रोक्न, र समाजलाई अनुशासित बनाउन पनि नागरिक समाज बलियो हुनुपर्छ ।’

उक्त प्रतियोगितामा सहभागी हुन ‘इन्टरफेस नेपाल’को वेबसाइटमा गई आवेदन दिई आगामी असार १५ गतेभित्र भिडियो तयार गरी ‘इन्टरफेस नेपाल’मा पठाइसक्नुपर्नेछ । नागरिक समाजसम्बन्धि मौलिक विषयमा बनाइएको भिडियो जुनसुकै भाषामा तयार गर्न सकिनेछ ।  तर, ‘सबटाइटल’ भने नेपाली भाषामा हुनुपर्ने छ ।

एकै प्रतियोगीले एकभन्दा बढी विषयमा भिडियो बनाई प्रतिस्पर्धामा भाग लिन सकिने इन्टरफेस नेपाल’ले जनाएको छ ।

प्राप्त प्रतिकृयाहरू

यसमा तपाइको मत

सम्बन्धित समाचार
धेरै पढिएको
ट्वीटरमा